DJECO P’tit Market 購物桌遊｜ (展示品｜僅此一盒)

帶住購物清單同 $15，出發去 Shopping！🛒💰

法國玩具品牌 DJECO P’tit Market 將小朋友熟悉嘅「購物」情境變成桌遊。每位玩家一開始會有 $15 同一張購物清單，透過擲骰仔前往不同商店，睇價錢、付款，再買齊清單上需要嘅物品。

不過購物過程未必次次都咁順利😆 去到已經買過嘅商店，就要抽取行動卡，可能得到 優惠券或額外獎金，亦可能遇上 強制消費，甚至要交出一件物品，令每一局都有不同變數。

遊戲將數學放入生活化情境，小朋友玩嘅過程可以自然運用 20以內加減、數量及金錢概念。家長亦可以配合遊戲傾：

「呢件要幾多錢？」
「俾咗錢之後仲剩幾多？」
「而家啲錢仲夠唔夠買下一樣？」

除咗數學概念，亦可以練習 輪流、計劃、應對遊戲變化及語言表達，適合高班至初小階段嘅小朋友。

適合年齡： 5歲或以上
品牌： DJECO（法國）
遊戲類型： 購物／數學／金錢概念桌遊
學習元素： 20以內加減、金錢概念、簡單策略、生活詞彙、語言表達

產品狀況： 拍攝展示品，配件齊全。展示品數量有限，介意者購買前請留意產品狀況。

用玩具打開語言，用生活延續對話💬